هنتكلم في ثلاث نقط

رقم واحد ازاي البنوك بتشتغل

 رقم 2 هي البنوك ممكن تفلس وازاي

 رقم 3 ايه اللي حصل في البنك الامريكي وتاثيره علينا

 

ازاي البنوك بتشتغل؟

 

البنك ما هو الا الشركه تهدف الى الربح بتاخد فلوس من المودعين تديها للمقترضين  وتكسب فرق الفايدة

طب لو ما فيش مقترضين هي بتستثمر الفلوس دي في ادوات دين مثلا تدخل بيها في مشاريع مثلا وهكذا وبرده تكسب العائد على الاستثمار دي النقطه الأولى

 

 النقطه الثانيه طب هي البنوك بقى بتفلس ازاي ؟

حاجات كثير

لكن اولها واهمها حاجه اسمها ال liquidity ratio  معيار السيوله او مخاطر السيوله

زي ما قلت في رقم واحد لو المودعين كلهم مرة واحدة جم ياخذوا فلوسهم البنك ممكن بنسبه كبيرة يفلس لان حرفيا الفلوس مش فية الفلوس شغاله برا البنك فى اماكن تانيه

 

ولو البنك بيسلف  شركات والشركات مش بتسدد القروض والالتزامات الى عليها بالتباعيه البنك مش هيسدد الالتزامات الى عليه وهيفلس

ايه اللي حصل في البنك الامريكي وتاثيره علينا؟ 

البنك الامريكاني حصل معاه  الحاجتين كان شغال انه بياخد فلوس من الموديعين يسلفها لشركات ناشئه لسه طالعه جديد والشركات دي اتاثرت باللي حصل في العالم فمباقتش تسدد الديون اللي عليها

كمان المودعين راحوا ياخذوا الفلوس بتاعتهم كلهم مره واحده

 

طيب ده تاثيره ايه؟

البورصه امبارح نزلت نزول كبير زي كل البورصات العالميه والامريكيه

 

البنوك عندنا بشكل كبير مش هتتاثر على حسب بيان البنك المركزي اللي قال ان ما فيش ودايع ولا استثمارات لينا في البنك ده

 

للمعلومه

المركزي المصري بيلزم البنوك المصريه ان هي تحط جزء من ودائع العملاء عنده وعلشان كده بيضمن حقوق العملاء في ودائعه