الذهب
الذهب هو سلعه تحوطيه في المقام الاول بتتحوط بيها من التقلبات في المستقبل ,
او زي ما بقول دايما الذهب مش بتاعنا دة بتاع أولادنا ,
ف اي مكسب سريع حصل في شهر او اثنين او ثلاثه ما هو الا استثناء نادر مش قاعده ابدا في الذهب.
طيب الذهب رايح على فين
اعتقد في 2023 الاستثمار في الذهب هيكون افضل بكثير من 2022 بسبب
ان الذهب ما زال الملاز الامن للمستثمرين وحتى الدول ممثله في البنوك المركزيه خصوصا في الايام اللي احنا عايشينها دي واللي بتشهد تقلبات سياسيه وعسكريه واقتصاديه كبيره .
خليني اقول لكم عن توقعات البنوك العالميه للدهب في 2023.
- بنك ستاندر تشارتر وجولدن مان ساكس قالو ان الذهب هيوصل ل 2250 دولار للاونصه .
- في بنك استثمار اسمه ساكسو بنك قال ان الذهب هيوصل لل 3000 دولار للاونصه .
انا بقى بقول لكم استنوا تقرير التضخم بتاع امريكا اللي المفروض هيطلع النهارده 14\2\2023
- لو نسبه التضخم قلت سعر الدهب هيعلى وممكن يعدى ال 1900 دولار للاونصه .
- لو نسبه التضخم زادت سعر الدهب هيقل وممكن يوصل ل 1830 او 1800 دولار للاونصه .
الخلاصه ان الذهب هيكون في تذبذب الثلاث شهور اللي جايين على الأقل
خبر يرفع الذهب
وخبر يقلل الذهب
وفي الوقت ده احذر انك تتعامل مع الذهب على انه ادخار سريع .